ಪರ್ಮನೆಂಟ್ ಕೆಲಸ ಬೇಕಂದ್ರೇ ನಿನ್ನ ಬೆತ್ತಲೆ ವಿಡಿಯೋ ಕಳ್ಸು! | ಜನತಾ ನ್ಯೂಸ್
2504
ಕಲಬುರ್ಗಿ : ಪರ್ಮನೆಂಟ್ ಕೆಲಸ ಕೊಡಿಸುವುದಾಗಿ ನಂಬಿಸಿ ಮಹಿಳೆಯಿಂದ ಆಕೆಯ ಬೆತ್ತಲೆ ವಿಡಿಯೋ ಹಾಕಿಸಿಕೊಂಡು ಮಾನ ಹಾನಿ ಮಾಡಲಾಗಿದೆ ಆರೋಪಿಸಿ, ಇದೀಗ ಸಂತ್ರಸ್ತೆ ಪೊಲೀಸ್ ಠಾಣೆ ಮೆಟ್ಟಿಲೇರಿದ್ದಾರೆ.
ಗುತ್ತಿಗೆ ಆಧಾರದ ಮೇಲೆ ಕೆಲಸ ಮಾಡುತ್ತಿದ್ದಂತ ಮಹಿಳಾ ಸಿಬ್ಬಂದಿಯೊಬ್ಬರಿಗೆ, ಕೆಲಸ ಖಾಯಂಗೊಳಿಸುವುದಾಗಿ ಮನವೊಲಿಸಿ, ಆಕೆಯಿಂದ ಬೆತ್ತಲೆ ವೀಡಿಯೋ ತರಿಸಿಕೊಂಡು, ಆನಂತ್ರ ಎಲ್ಲರಿಗೂ ಸೋಷಿಯಲ್ ಮೀಡಿಯಾದಲ್ಲಿ ಹಂಚಿರುವ ಪ್ರಕರಣವೊಂದು ಕಲಬುರ್ಗಿ ವಿಶ್ವವಿದ್ಯಾಲಯದಲ್ಲಿ ನಡೆದಿದೆ.
ಗುಲ್ಬರ್ಗ ವಿಶ್ವವಿದ್ಯಾಲಯ ಗ್ರಂಥಾಲಯದ ಅಧೀಕ್ಷಕ ಆರೋಪಿ ಶರಣಪ್ಪ ಮಾಕುಂಡಿ, ಮಹಿಳೆಗೆ ಆಮಿಷ ತೋರಿಸಿ ಅಶ್ಲೀಲ ವಿಡಿಯೋಗೆ ಬೇಡಿಕೆ ಇಟ್ಟಿದ್ದಾನೆ ಎಂಬ ಆರೋಪ ಕೇಳಿ ಬಂದಿದೆ.
ಸಂತ್ರಸ್ತೆ ಗುಲ್ಬರ್ಗ ವಿವಿಯಲ್ಲಿ ಗುತ್ತಿಗೆ ಆಧಾರದಲ್ಲಿ ಕೆಲಸ ಮಾಡುತ್ತಿದ್ದರು. ನಿನ್ನ ಬೆತ್ತಲೆ ವಿಡಿಯೋ ತೋರಿಸು, ನಿನಗೆ ಪರ್ಮನೆಂಟ್ ಕೆಲಸ ಕೊಡಿಸುತ್ತೇನೆ ಎಂದು ಗ್ರಂಥಾಲಯ ಅಧೀಕ್ಷಕ ಶರಣಪ್ಪ ಸಂತ್ರಸ್ತೆಗೆ ಹೇಳಿದ್ದಾನಂತೆ. ಅದರಂತೆ ಸಂತ್ರಸ್ತೆ ತನ್ನ ಮೊಬೈಲ್‌ನಲ್ಲಿ ತನ್ನ ಬೆತ್ತಲೆ ಫೋಟೊ ಹಾಗೂ ವಿಡಿಯೋ ಮಾಡಿ ಆರೋಪಿ ಮೊಬೈಲ್ಗೆ ಕಳಿಸಿದ್ದಾರೆ ಎನ್ನಲಾಗಿದೆ.
ನಂತರ ಆರೋಪಿ ಈ ವಿಡಿಯೋವನ್ನು ಬೇರೆ ವಾಟ್ಸ್ಆ್ಯಪ್ ಗ್ರೂಪ್‌ಗೆ ಶೇರ್ ಮಾಡಿದ್ದು, ಇದರಿಂದ ನೊಂದಿರುವ ಮಹಿಳೆ ಕಲಬುರ್ಗಿ ಪೊಲೀಸ್ ಠಾಣೆಯಲ್ಲಿ ಗ್ರಂಥಾಲಯ ಅಧೀಕ್ಷಕ ಶರಣಪ್ಪ ಮಾಕುಂಡಿ ವಿರುದ್ಧ 292, 407, 420, 354(ಎ) ಅಡಿಯಲ್ಲಿ ಪ್ರಕಣ ದಾಖಲಿಸಿದ್ದಾಳೆ.
